Sot në një vizitë zyrtare komunën e Gucisë e vizitoi kryetari i Federatës së futbollit të Malit të Zi, Dejan Saviqeviq me bashkëpunëtorët, sekretarin gjeneral Momir Gjurgjevac, nënkryetarin Voislav Doshlak dhe sekretarin e regjionit verior Ranko Stijoviq, të cilët u takuan me kryetaren e komunës Anela Çekiq dhe me bashkëpunëtorët e saj, nënkryetarin Huso Brdakiq, drejtorin për investime Shemso Jaroviq dhe presidentin KF Gucia Mersudin Çekiq, kan biseduar në lidhje me bashkëpunimin për ndërtimin e infrastrukturës së nevojshme për futboll.

Në mbledhje është diskutuar për gjetjen e zgjidhjes se si të ndërtohet stadium ndihmës dhe përmirësimi i sipërfaqes së terenit ekzistues.

Janë hapur edhe tema tjera, të gjitha që lidhen me përmirësimin e infrastrukturës së sportit në mënyrë që të rinjtë aktivisht të merren me sport dhe të kenë kushte kualitative për futboll. Pas takimit, përfaqësuesit e Federatës vizituan stadiumin e futbollit në Guci duke u bindur që kjo fushë gjindet në një gjendje mjaft të keqe dhe i nevoitet një rikonstruksion total. Në stadium ishin të pranishëm edhe tifozët e flaktë të KF Gucisë.